Migrantlar va ularning oila aʼzolari huquqlarini himoya qilish

Tavsif

Oʻquv qoʻllanma Oʻzbekiston Respublikasining huquqiy va xalqaro siyosatiga, xalqaro maydonlardagi inson huquqlari boʻyicha tashabbuslariga, Inson huquqlari boʻyicha Oʻzbekiston Respublikasining Milliy strategiyasiga hamda Inson huquqlari sohasidagi Milliy taʼlim dasturiga tayangan holda tayyorlangan. Mazkur oʻquv qʼollanmada inson huquqlari boʻyicha taʼlim barcha insonlarning huquqlarini qoʻllab-quvvatlashga undaydigan qadriyatlar, eʼtiqodlar va pozitsiyalar targʻib qilinishi, har qanday jamiyatda inson huquqlarini hayotga tatbiq etish uchun har bir inson umumiy javobgarlikni tushunishini rivojlantirish haqida bayon etilgan. Xususan, migrantlar va ularning oila aʼzolari huquqlarini xalqaro-huquqiy va milliy qonunchilik doirasida tartibga solish masalalari yoritilgan. Ushbu oʻquv qʼollanma yuridik oliy yurtlarining bakalavr va magistrantlariga oʻquv qoʻllanma sifatida tavsiya qilinadi.